تحديات سلامة الغذاء

سلامة الغذاء مهمة جداً علشان تضمن استمرار مطعمك. بس احنا أكيد فاهمين إن هيواجهك تحديات كتير علشان تطبق سلامة الغذاء على أحسن وجه، علشان كده حددنا لك شوية تحديات اللي ممكن تواجهك وازاي تتغلب عليها.

التحدي الأول: استثمار الوقت والفلوس

انك تلاقي الوقت والفلوس علشان تستثمرهم في تدريب موظفينك وفي معدات المطبخ ده بيعتير من التحديات المهمة.

الحل: على الرغم من أنه ممكن يكون مكلف في البداية، إلا أن التدريب والمعدات دول هيكون ليهم فوائد على المدى الطويل لمطعمك. احنا بننصحك انك متوفرش في الاستثمارات المهمة دي – لأن آخر حاجة عايزينها أن يحصل عندك أي حادثة لها علاقة بسلامة الغذاء بسبب سوء نظافة الموظفين أو الاستخدام الغير سليم للمعدات. وده هيأثر بشدة على سمعة عملك، وكمان ممكن يسببلك خسائر نقدية أكثر.

التحدي الثاني: اللغة والثقافة

ممكن الموظين عندك يكونوا من خلفيات وثقافات مختلفة وبكده هيكون في اختلاف في معايير سلامة الأكل وتحضيره وتقديمه.

الحل: ده هيكون في أيد رئيس الشيفات انه يطبق وينفذ معايير السلامة العالمية اللي بيتفق عليها الكل، وده لازم يكون بيشمل الوصفات القياسية لكل الأطباق. وبعد كده لازم يتم نقل المعايير دي بوضوح لكل موظفين المطبخ من خلال برنامج تدريب مناسب.

التحدي الثالث: التعليم 

ممكن الموظفين في مطبخك يكونوا من مستويات تعليمية مختلفة وممكن ميقدروش يعرفوا أسباب ونتايج أفعالهم.

الحل: تعمل تدريبات أو تكتب الوصفات بأبسط طريقة ممكنة. وانك توفرلهم فيديوهات أكثر بتوضح ممارسات سلامة الأكل علشان يبقى استيعابها سهل أكثر.

التحدي الرابع: وعي الموظفين

ممكن موظفينك ميبقوش على دراية كاملة بالملوثات اللي ممكن تتكون على الأكل وازاي يتجنبوا حاجة زي كده.

الحل: في الحالة دي المسؤولية الكبيرة بتكون على الرؤساء والمسئولين في المطبخ وهي انهم يقدروا يفهموا العوامل اللي بتساعد في نمو الكائنات الحية الدقيقة، وبعدين يشاركوا المعلومات دي مع بقية أعضاء فريق المطبخ من موظفين وشيفات، وممكن كمان يشاركوا المعلومات دي من خلال الوسائل البصرية (زي FATTOM) وده طبعاً من الخطوات المهمة لمواجهة نمو الكائنات الحية الدقيقة.

دوس هنا لمعلومات اكثرعن مثال FATTOM.

التحدي الخامس: الموردين

تقريباً من المستحيل انك تعرف إذا كان مورد أو موزع المنتجات الغذائية بيطبق ويحترم معايير سلامة الأغذية المناسبة ولا لأ.

الحل: انك تشتري من موردين موثوق فيهم وليهم سجل كويس. وإبني علاقات مع الموردين مبنية على الثقة وزور مصانعهم من فترة للتانية علشان تتأكد من المرافق والنظافة عندهم. وكمان ممكن تتأكد من خلال تقاريرهم اللي بيطلعوها عن مؤسساتهم.

التحدي السادس: العملاء المعرضين لمخاطر عالية

 

الأشخاص المعرضين للخطر أكتر زي الأطفال الصغيرين والحوامل وكبار السن معرضين أكتر لأحتمالية أنهم يلقطوا الأمراض اللي بتتنقل عن طريق الأكل.

الحل: تتعامل مع كل وجبة بتقدمها انها ممكن تسبب مخاطر عالية للعملاء. علشان كده من المهم الالتزام بمعايير سلامة الأغذية في كل الأوقات. وإن المراقبة تكون صارمة والفحوصات مستمرة وده هيخلي موظفين المطبخ عندك على طول محافظين على النظافة وبيطبقوا كل معايير السلامة بشكل صحيح.

التحدي السابع: زيادة معدل استبدال الموظفين

زيادة معدل استبدال الموظفين أمر طبيعي في صناعة الأغذية والمشروبات. وده ممكن يوصلنا لحلقة مفرغة من إعادة توظيف وإعادة تدريب الموظفين على معايير السلامة الغذائية ومش هيكون ليها نهاية.

الحل: قبل أي حاجة ابذل كل جهدك للاحتفاظ بالموظفين من خلال عوامل تحفيزية أساسية زي مثلاً: التشجيع المستمر ومدح شغلهم أو برامج المكافآت للموظفين اللي بيحققوا اداء عالي. واتأكد انهم دايمًا بيتعلموا ويتطوروا طول الوقت. وكمان ممكن تطبق برنامج معياري فعال للموظفين الجداد علشان تضمن سرعة فهمهم وتطبيقهم للشغل وده من خلال انك تخلي موظفينك القدام/الكبار عندك يبقوا مسؤولين عن الموضوع ده.

لو كنت بتشتغل بميزانية محدودة، فخليك متأكد دايماً انك مخصص مبلغ معين لسلامة الأغذية. وفي طرق كتير فعالة من حيث التكلفة لتطبيق سلامة الأغذية. المهم هو العقلية والرغبة في انك تكون عايز تعمل  و تشوف تغيير.