النظافة الشخصية
النظافة الشخصية ممكن تكون سبب في حالات تسمم غذائي كتير. وده ممكن يرجع لعدم تحديد الأوليات اللي بتتعلق بموضوع سلامة الغذاء. علشان كده مراقبة النظافة الشخصية لموظفين المطبخ حاجة مهمة جداً لمنع تلوث الأكل. خلينا نبدأ ونشوف اللبس اللي المفروض موظفينك يلبسوه.
الملابس
- اليونيفورم – البس يونيفورم نضيف كل يوم وسيبه في مكان الشغل
- المرايل – لازم تلبس مرايل كاملة مختلفة في محطات تحضير الأكل المختلفة (مثلاً المأكولات البحرية والخضروات)
- الجوانتيات – اللي بتستخدم مرة واحدة وبعدين تترمي استخدمها لما تتعامل مع الأكل الني والمطبوخ
- الأحذية – الأحسن تلبس أحذية مغطاة بالكامل متساعدش على الانزلاق
- الكاب – واظب على لبس كابات نظيفة كل يوم علشان تمنع وقوع الشعر في الأطباق
- الاكسسوارات – لازم تقلع أي اكسسوارات في الأيدين والصوابع زي الخواتم
- الماسكات - البس ماسك نظيف كل يوم خلال وجودك في المطبخ وخاصة خلال الأيام دي مع انتشار فيروس كورونا
ممارسات النظافة
بالإضافة للبس المناسب، في إجراءات بسيطة ممكن يكون لها تأثير كبير على جودة ونظافة أكلك. وكمان بنقترح عليك عمل فحوصات منتظمة كل يوم للتأكد من أن موظفينك ملتزمين للحفاظ على نظافتهم الشخصية.
-
أحذر من (أوعى تعمل): حافظ على: تعطس في الأكل أن ضوافرك تكون على طول قصيرة ونظيفة تهرش في جسمك عند الطبخ أو التقديم
أن شعرك ودقنك منظمين ومقصوصين - ولازم ربط الشعر الطويل
تفرك وشك أو مناخيرك على كتفك
غسل ايديك بشكل متكرر ودقيق بالصابون
تنظف ودانك بصوابعك
انك دايما تشتغل على سطح نظيف
تمسح العرق بأيديك
استخدام ألواح تقطيع وسكاكين بلاستيك مختلفة للأكل المطبوخ والخام
لبس الإكسسوارات
تروح الشغل وانت تعبان
نصائح لسلامة المطبخ
أكيد آخر حاجة ممكن تتمناها أن شخص في مطبخك يتصاب، وهنا هنقولك شوية طرق لتجنب مخاطر حدوث الاصابات دي:
- متستعجلش: أوعى تستعجل أو تجري في المطبخ، بالتأكيد انك بتبقى محتاج تقدم الوجبة أو الطبق اللي مطلوب منك في الوقت المناسب ، لكن الحفاظ على الهدوء هيسُرع من عملية تحضير الأكل - وممكن يمنع حدوث فوضى أو حوادث غير ضرورية.
- راقب البوتجاز دايمًا: أوعى تسيب البوتجاز بدون مراقبة – لأن النار ممكن تزيد وتسبب حريقة.
- خليك حذر مع الغاز: لازم كمان توقف تشغيل الغاز طول ما انت مش بتيتخدم البوتجاز لمنع حدوث حرائق أو انفجارات.
- خزّن المواد الخطرة بأمان: متحوطش حاجات حادة أو سخنة في الزوايا المكشوفة أو المخفية. خلال وقت تناول الأكل، الموظفين عندك ممكن ميبقوش مدركين الخطر ده، علشان كده حاول تخزن الحاجات دي في أماكن آمنه.
- احصل على الأدوات المناسبة: استخدم المعدات والحلل الصحيحة للتحضير المظبوط.
- خلّي عندك عدة إسعافات أولية في مكان قريب: حط دايمًا مجموعة إسعافات أولية وطفايات الحريق في متناول اليد. واتأكد ان هما الاتنين غير منتهيين الصلاحية.
كل شخص له دور أساسي في المطبخ، مش بس الشيف. الانضباط والنظام والنظافة مش بس هيمنع حدوث حوادث، لكن ده هينقذ حياة زملائك و مكان شغلك.
