في طرق كتير علشان تخلّي المنيو بتاعتك صحية أكتر، وهنا هنناقش بعض الممارسات المعروفة اللي هتساعدك انك تحضر وجبات صحية أكتر ولذيذة.
فهم ملصقات الأكل
الملصقات على الأكل بتساعدك تعرف معلومات أكتر عن المنتجات وايه هي محتوياتها الغذائية. وانك تبقى عارف ازاي تقرا الملصقات دي بطريقة صحيحة هيساعدك في انك تقدم أكل صحي أكتر وتعرف العملاء بتوعك المحتوى الغذائي في الأطباق اللي بتقدمها لهم، وده ممكن يتم من خلال أكتر من طريقة:
- انك تبقى عارف كويس المعلومات الغذائية علشان تقدر تشاركها مع العملاء لما يسألوا عنها.
- استخدم المعلومات الغذائية علشان تحضر وجبات متوازنة ومتنوعة وصحية.
- تحديد مسببات الحساسية الغذائية اللي ممكن حدوثها وتوضحها للعملاء بتوعك.
- خطط للانظمة الغذائية "الدايت" المختلفة وانت مفكر في مخاوف العملاء من مكونات معينة زي الصوديوم والدهون والكوليسترول والسعرات الحرارية.
مواصفات الوجبات الصحية
اعرف أكتر عن الوجبات الصحية وازاي تستخدمها علشان تحضر منيو أحسن لمطعمك. والمنيو الصحية لازم تكون:
- مليانة بالعناصر الغذائية الكافية.
- متوازنة غذائياً.
- فيها كميات معتدلة من العناصر الغذائية المهمة.
- بتقدم مكونات غذائية متنوعة من مصادر مختلفة.
طرق الطبخ الصحية
ودلوقتي بعد ما عرفنا مواصفات الوجبات الصحية، يلا نشوف ايه هي طرق الطبخ الصحية علشان نستخدمها:
- البخار: ودا مش بيحتاج وجود زيت في الأكل اللي بتحضره وبيساعدك أكتر في انك تحافظ على العناصر الغذائية.
- الغلي: ودا برده مش بيحتاج زيت وهيقلل كتير من السعرات الحرارية في وجباتك اللي بتقدمها.
- السلق: ودي طريقة خالية تماماً من الدهون لطبخ المكونات الطرية بشكل طبيعي زي البيض والأسماك والخضروات.
- التشويح: يعتبر بديل كويس عن التحمير في زيوت غزيرة وبتحافظ على القيمة الغذائية ولون الأكل، ودا هيخلي أطباقك شكلها حلو وأكتر جاذبية.
- الشوي: طريقة جيدة لتحضير اللحوم قليلة الدسم لأنها بتقوم بتسييح كل الدهون اللي في اللحمة اثناء عملية التسوية، وخلّي بالك متزودش في شوي اللحوم علشان ده ممكن يكون سبب في زيادة المخاطر بالإصابة بالسرطان.
بدائل التوابل الصحية
ودي قائمة ببدائل التوابل الصحية اللي ممكن تستخدمها في الطبخ:
- الفواكه والعسل والسيرب – ودي مصادر أكثر تغذية بديلة للسكر الطبيعي.
- المكونات الفواحة (اللي ليها ريحة قوية) (البصل ، الثوم ، الزنجبيل ، إلخ) – وده بيساعد على إضافة النكهة من غير استخدام ملح كتير.
- التوابل المحمصة والمكسرات والبذور – هتضيف ريحة ونكهة جميلة للطبق.
- الزيوت المنكهة - بديل صحي عن الزبدة.
- الحمضيات والخل - نكهة مشرقة وحادة هتساعدك على تقليل كمية الملح.
كميات الطبق الصحي
الطبق الصحي اللي بتقدمه مش بس فيتامينات ومعادن، ده لازم يكون وجبة متوازنة، وهنا هنقولك ازاي تقسم الوجبة عشان تكون صحية ومتوازنة غذائياً:
- اتأكد ان الطبق فيه كل المكونات زي الحبوب الكاملة والبروتينات الصحية والخضروات او الفاكهة.
- قلل كمية النشويات في الوجبة وزود من الخضروات والسلطات.
- قلل كمية المرق والصوصات في الطبق.
استراتيجيات تانية
بصرف النظر عن تقديم طبق متوازن مليان بالمغذيات والفيتامينات والمعادن ، دي شوية نصائح هتساعدك على تعزيز الأكل الصحي في مطعمك:
- استخدم مكونات طازة مليانة مغذيات.
- ابدأ استخدم المنتجات العضوية.
- قلل استخدام الاضافات الغذائية.
- اتدرب وحضر منيو صحية أكتر.
- شجع بيع الوجبات الصحية أكتر.
- قدم الوجبات الصحية كأطباق مفضلة وسبيشيال في مطعمك.
