إقتراح الأكل الشرقي على أى زبون هيخليه يغير رأيه على طول لأنه من أفضل خيارات رواد المطاعم. النكهات المميزة و تعدد الوصفات و التجربة المثالية هما أسباب نجاح الأكل الشرقي عشان كدة إنك تقتح مطعم شرقي مش حاجة سهلة بس تستحق المغامرة.
الوصفة مجرد دليل:
الطبخ فن محتاج إبتكارات مستمرة. تعامل مع أطباقك زى اللوحات الفنية، ألوانها الغنية هى مكونات أطباقك. ما تقيدش نفسك بالوصفات و مكوناتها المعتادة، فكر وجرب إضافات جديدة تنقل أطباقك لتجربة مختلفة و فريدة. نصيحتنا إنك تجرب حاجة فيها ميكس حلو و لاذع زى كبد الدجاج بالفواكه المجففة
سر التتبيلة:
المطبخ الشرقي سره في تتبيلته. جوزة الطيب و الحبهان و المستكة و غيرها من التوابل و البهارات هما اللي بيوصلوا الطبق لنكهات خيالية و جديدة مهما كان أصله مصري، سوري أو مغربي. الشاورما العربي بصوص الثومية واحدة من أفضل الأطباق اللي تتبيلتها سر نجاحها!
الطبخ المبتكر ولا التقليدي ؟
هتقدم أكل مسبك ولا مشاوي؟ لو مسبك فا إنت كشيف شرقي عارف يعني إيه تسبيكة صح و طشة ملوخية مظبوطة و صلصة الفتة الأصلية. زى ما شيف محمد إبراهيم من أبوعوف كونكورد بيقول " الأطباق المصرية لازم تتعمل بالطريقة الصح اللي أمهاتنا عودونا عليها و إلا هتبقى النتيجة حاجةة تانية خالص".
بعد التتبيلة و لمساتك الخاصة لسة في شوية حاجات تزودها لأطباقك و تضيف للطعم أكتر و أكتر. يعني طواجن البامية و العكاوي ما تحلاش غير في الفخار و المشاوي و اللحوم مالهاش غير الفحم. إعرف أكتر عن أصول المطبخ الشرقي من خلال كورسات أكاديمية يونيليفر فود سوليوشنز:link
التغير دايماً مطلوب
الأطباق الكلاسيكية ضمن قائمة مطعمك أساسية. جرب تضيف شوية من الحيوية و التجديد للكلاسيكيات دي من غير ما تغير لطعمها، إضافة تناقض و لو بسيط بين النكهة و القوام هى اللي هتكون طبق متكامل. البسبوسة بالشوكولاتة مثلًا أكتر نوع محبوب من الحلويات الشرقية. ممكن تبان طبق بسبوسة عادي لكن طريقة تقديمه المبتكرة و التباين اللي فيها عملت فرق كبير جدًا خلاها مقرمشة من الخارج ولذيذة وطرية من الداخل و عليها صوص شوكولاتة لمزيج قوي و ناجح.
