أنظمة التوصيل للمنازل والوجبات الجاهزة دلوقتي أفضل طريقة للبقاء في اللعبة بين المطاعم وبالذات في ظل جائحة الكورونا. إحنا جمعنالك النقط المهمة اللي هتساعدك تقدم نفس جودة تجربة تناول الطعام في صالة مطعمك لكن في بيوت عملاءك.
- أهم حاجة هى إختيار الأطباق اللي ممكن تكون في قائمة التوصيل اللي تقدر تلبي بيها إحتياجات عملاءك و تضمن مظهرها و طعمها بعد التوصيل لأماكن بعيدة.
- قدم أطباقك بتغليف عملي يضمن وصولها لعملاءك سخنة و لذيذة و سهلة الإستخدام.
- لو هتوصل مشروبات، يفضل تكون معلبة أو معبأة داخل زجاجات لأن عملاءك أكيد مش هيحبوا الصودا المدلوقة على الأطباق.
- لو أطباقك ليها إرشادات خاصة للتسخين يفضل تبعتها مع الطلبات.
- ماتضيعش وقت عملاءك يدوروا على أكل كل شخص موجود، زود علامة على كل طبق تبين إسمه.
- وفر لموظفيك و عملاءك طرق للدفع عن بعد عشان تحميهم من إنتقال الأمراض و الفيروسات.
