زيارات المطاعم زي الانطباعات الأولى اللي الأشخاص بيخدوها عن بعض ودايما بتستمر وعادة بيكون من الصعب تتغير. نظرًا أن المطعم هو عبارة عن الضيوف اللي بيزوروه ، فأهم حاجه رضاهم وتحويلهم من زوار لمرة واحدة لزوار دايمين و مخلصين وكمان يروجوا لمطعمك. ارائهم وتقييمهم أهم من أي وسيلة تسويق ممكن تعملها. بنقدملك شوية خطوات لضيوفك علشان ياخدوا أحسن إنطباع عن مطعمك:
الضيوف أولا، المهنية ثانيا:
بتبدأ تجربة الضيف من اللحظة اللي بيتصل فيها علشان يحجز لحد ما يمشي من باب مطعمك. فكر في الرحلة كلها من أول الترحيب وانت بتفتح باب المطعم لحد ما الضيوف يمشوا. كل التفاصيل اللي في النص مهمة. اتاكد ان مفيش أي حاجه تفوتك وده هيحصل بسهولة لما تحط نفسك مكان العميل. أحب ان المطعم يستقبلني ازاي؟ ايه الحاجه اللي ممكن تخليني افتكر المطعم ده؟ من المهم أن الضيوف تحس أنهم بيتعاملوا مع بشر مش موظفين متبرمجين بيعملوا شغلهم وخلاص. اما يبقي فريقك بيتعامل بصداقة مع الضيوف من اول ما بيرحب بيهم ويسمع ارائهم لحد آخر تجربتهم ده أكيد هيفرق معاهم.
اعرف زبونك الدايم
الضيوف هيتحولوا لزبائن دايمين لما يلاقوا انك عارفهم. خلي التجربة بعد كده مخصوصة ليهم بانك ترحب بيهم باسماءهم، و تبقى عارف المناسبات اللي بيزوروك فيها وكمان ممكن تبعتلهم الحلو هدية من المطعم من وقت للتاني. الضيوف دايما بيحبوا المكان اللي بيحفظهم ويحسسهم انهم جزء مهم من المطعم ونجاحه.
دايما غيّر في اكلك وقايمتك
مفيش حد بيحب القايمه اللي مفيهاش مفاجآت. لازم دايما تبتكر حاجة جديدة. ضيف توابل أو طعم جديد يبقي بطل الشهر. اخلط الحادق والحلو. اعرف ذوق ضيوفك وبيفضلوا ايه. ادي الفرصة لضيوفك انهم يزوّدوا او يشيلوا جزء من الطبق. خلّي عندك أطباق الناس تحبها وتتعلق بيها علشان حلوة وشبهم. دايما طوّر في قايمتك علي الأقل كل 3 شهور، ضيف أطباق تكون مخصوص بالطلب علي الأقل كل شهر طبق مختلف.
قدم للناس امكانية انهم يسيبوا رأيهم
الكل بيحب أن يكون مؤثر. الضيف اللي بيحس ان رأيه مهم وساعات بيتنفذ اكيد هيزور مطعمك تاني.علشان بيحس أن حد سمع رأيه. اسأل ضيوفك عن رأيهم دايما، وسيب استطلاعات رأي قصيرة للضيوف مع فواتيرهم واسمع دايما لتعليقاتهم.
اخلق الجو المناسب لكل ضيف
من المهم أنك تكون حساس لاحتياجات ضيوفك. ودة ببيبدأ بانك تخلق جو مناسب بالاضاءة المناسبة، وكراسي وديكورات معينة تخلق راحة للضيف. اتأكد من أن الاختيارات اللي في قايمتك بتلبي احتياجات الضيوف اللي بيحتاجوا أكل صحي أو خالي من اللاكتوز أو نباتي. اعمل قسم في القايمة للأطفال أو للضيوف اللي بيحبوا السلطة. الضيف السعيد هو اللي المكان بيفهمه وبيلبي احتيجاته.
لما تطبق الست خطاوات دول، ضيوفك من غير شك هيرجعوا الفندق تاني في اجازتهم اللي جاية.
