مجال الطبخ و المطاعم في مصر و العالم العربي بينافس أشهر المطابخ العالمية و قد يفوقها جميعا من حيث تنوع المكونات المستخدمة فيه و من حيث عدد أطباقه غير المتناهية، سواء كأطباق رئيسية أو مقبلات. نكهاته المختلفة ليها هوية و طابع خاص بيها عليها صعب تتكرر في أى مطبخ تاني. وكمان في تغير دائم و شبه يومي بسبب التغيرات الملحوظه في سلوكيات الزباين. و عشان كدة إحنا فاهمين التحديات اللي كل شيف ممكن يواجهها خاصةً لأن المطبخ العربي واحد من أهم المطابخ العالمية واللي بتنافس بقوة شديدة من حيث تنوع المكونات و الوصفات و أساسيات الطبخ فيه. و عشان تواكب التغييرات اللي بتحصل دي لازم تعرف زاى تختار التركيبة الناجحة لمطعمك العربي:
تنوع نكهاتك:
2021 بلا شك سنة تتصف بكل ما هو جديد و مختلف. و لأن الطبخ بالنسبة لنا يعني إختراعات ف إنك تضيف نكهة جديدة أو تغير مكون أساسي في كلاسيكيات المطبخ العربي هتغير طعمه و تنقل زباينك لتجربة فريدة و ممتعة. أفضل مثال على دة هو مطعم دسوقي آند صودا و شعاره " أكل شارع و شُرب أفرنجى". المطعم دة عمل ميكس بين أكل الشارع المصري المعتاد زى الكبده و السجق و الفطير و معاه مجموعة من المشروبات والكوكتيلات الغربية. التباين في الحاجات اللي بيقدمها بيخليها تجربة ممتعة و ملفتة للشباب أكتر يضيف الشيف لمسة جديدة للحفاظ على هوية الطبق مع تغيير بسيط يتماشى مع الاتجاهات الجديدة .
الجو العام
في مجال مليان منافسة ضروري جداً إن مطعمك يكون ليه طابع خاص يكمل الأطباق التي بتقدمها و يكون شبهها ، بالإضافة إلى أنواع العملاء الذين تجذبهم. مطعم أبو السيد المعروف مثلًا عبارة عن آلة زمن تنقلك لوقت و مكان بعيد جدًا بديكور داخلي مميز و مختلف. مش بس الديكور، موقع مطعمك برضه هيفرق لو إستراتيجي و بيعكس روح البلد اللي انت بتقدم أكلها. مفيش أحلى من أكلة مشاوي على النيل من مطعم كبابجي سوفيتيل الجزيرة.
التجربة المشجعة:
عارف إيه ممكن يميز مطعمك عن باقي المطاعم العربية؟ التجربة اللي تشجع زباينك إنهم ياكلوا أكتر و يقضوا وقت أكبر داخل مطعمك. خطوات الطبخ الأخيرة لو اتعملت وسط الزباين أو جنب الترابيزات هتفتح نفسهم أكتر على الأكل و تزيد شهيتهم زى طشة الملوخية وقت التقديم في البرنس و صبحي كابر اللي الناس بتقفلها طوابير. أو مثلًا سيخ الشاورما اللي الزباين بتقطعه بنفسها في مطعم لبش.
