التخصص والخبرة في الأساسيات

سواء بتقدم أطباق مميزة وفاخرة أو وجبات متواضعة، مهم انك تكون متأكد كويس من أن أطباقك شكلها حلو زي طعمها. وعلشان كده، أساسي للشيفات يبقى عندهم الخبرة في أساسيات تقديم الأطباق المختلفة. اتعلم معانا كل التقنيات الأساسية دي، واستخدم إبداعك لتحضير أطباق مميزة وجذابة في فن الطبخ وكمان استمر في التجربة والعمل علشان تطور من شغلك.

أهم 5 عناصر لتقديم الأطباق

1. ابتكر إطار لأعمالك

ابدأ برسم تصور لأطباقك. دوّر في الصور واللي حواليك علشان تلهمك وتساعدك في تجميع أفكار مختلفة. وفي الأخر حط صورة أخيرة مجمعة لكل أفكارك علشان تساعدك في تنفيذ رؤيتك.

2. حافظ على البساطة

اختار مكون واحد وركز عليه واستغل المساحات في الطبق علشان يكون بسيط على قد ماتقدر. لأن التركيز على العناصر اللي مش أساسية في طبقك ممكن تحيّر زباينك وتشتتهم عن التركيز في المكون الأساسي للطبق.

3. خلي طبقك موزون

العب بالألوان والأشكال والقوام علشان متحيرش وتربك زباينك. لازم شكل وتقديم الطبق ميتفوقش على الطعم.

4. اتأكد من وجود الكمية المناسبة والمظبوطة في الطبق

اتأكد من وجود الكمية المناسبة من المكونات، وأن الطبق مكتمل (مش كبير أوي ومش صغير أوي). ضيف النسبة الصح من البروتينات والكربوهيدرات والخضروات علشان تكون وجبة متوازنة من الناحية الغذائية.

5. تسليط الضوء على المكون الرئيسي

اتأكد من وضوح المكون الرئيسي، وانتبه كمان للعناصر التانية الموجودة في الطبق زي الزينة والصلصات وحتى الطبق نفسه.

وضع الطعام الأساسي

الصورة هنا بتوضح طريقة التقديم الكلاسيكية اللي بتستخدم العناصر الغذائية الأساسية الثلاثة وهي النشا والخضروات والمكون الرئيسي في طبقك في ترتيب معين.

ودا دليل بسيط لتقديم طبق كلاسيكي وهو التفكير في الطبق على أنه ساعة.

تشبيه الساعة، هي الطريقة اللي لازم ترتب بيها العناصر الغذائية في طبقك بشكل منفرد:

• المكون الأساسي للطبق: بين الساعة 3 و 9 صباحًا
• النشويات: من الساعة 9 الى 11
• الخضار: بين الساعة 11 و 3

فن تقديم الأطباق

اكل طبق فريد من نوعه في الشكل والأسلوب وكيفية تناوله. اعرف النصايح دي وطبقها في تقديم أطباقك .

احتفظ دائماً بالنصايح دي في متناول ايديك عند التخطيط لتقديم طبق مميز، واعرض مواهبك في تصميمه واظهر إبداعاتك.