مع الزيادة المستمرة في افتتاح مطاعم الأسماك، النجاح في أن يكون مطعمك مختلف ومميز هي الأولوية الأولى لأي شيف/صاحب مطعم . اعرف 3 نصائح هيخلوا مطعمك و المنيو بتاعك متميز.
1. جودة المواد الخام
لما تبقى بتختارالمواد الخام لمطعمك، مينفعش ترضى غير بالأفضل. اختيار أفضل المواد الخام هيضمن أن الطبق النهائي هيسيب انطباع حلو مع زباينك. دا معناه ان عشان تحفاظ على الجودة العالية لأطباقك لازم تختار المواد الخام بعناية.
2. تقديم أطباق مختلفة ومبتكرة
عشان تكون مختلف ومبتكر عن باقي المطاعم ، لازم تقدم أطباق مبتكرة عشان المينيو بتاعك يبقى فريد من نوعه. لازم المينيو يبقى فيه اطباق متميزة وحصرية الهتخلي مطعمك مختلف عن أي مطعم تاني ، و دا هيخلي كل زباينك متمسكين بمطعمك عشان هيلاقوا فيه اطباق مختلفة. لما تعمل كدة هتقدر تجذب زباين جديدة وتحافظ على القدام لأنهم هيفضلوا متحمسين لتجربة أطباق جديدة مش متوفرة في أي مكان غير عندك. لو حطيت نفسك مكان زباينك، ايه الي ممكن يخليك تختار المطعم الي هتاكل فيه عن اي مطعم تاني؟ الأجابة هنا هي وجود أطباق متميزة الي هتخلق تجربة جديدة تماما لكل شخص.
3. نضارة المأكولات البحرية
الخطوة الأولى لرفع مستوى أطباق المأكولات البحرية في مطعمك هي انك تستخدم مأكولات بحرية طازة مش مجمدة. لما تعمل كدا ، زباين مطعمك هيعجبهم اكترلأن طعم وريحة الطازة مختلف وأكثر جاذبية. باستخدام المأكولات البحرية الطازة، هتوفر وقت وتحقق أعلى جودى ، وبكدا زباينك طلباتهم هتخلص بسرعة و تجربتهم هتكون احسن.
